لطالب اعدادى _مهم_ضرورى-لازم تخش وتقرا

1_الارادة العزيمة الاخلاص :_يعنى ذاكر اكنك فى ثانوى عام بس ساعة واحدة فى اليوم لو كترت مش هتكمل للاخر
2_التكيف
والتماشى :_حاول تتكيف مع المشكل يعنى مثلا لو دكتور مفهمتش منة جرب غيرة
فى مجموعة تانية ولو بردة مفهمتش ما انت عندك السكشن ولو مفهمتش فى السكشن
يبقى بعد السكشن مع المعيد كدة بينك وبينة ولو مفهمتش روح صالة المعيدين
ونقى اى معيد واسالة اكيد هتفهم ولو مفهمتش اشترى مذكرة من المكتبة بس دى
اخر حاجة تفكر فيها
3_روح المحاضرة بدرى :-روح المحاضرة بدرى واقعد ادام عشان تشوف كويس عشان بيكتبوا بطباشير ابيض فى سابورة خضراء ومتقعدش مع زميل لكاك
4_سلم اللوح فى مواعيدها خصوصا الرسم وحل الشيتات المطلوبة منك ولو معرفتش كام سؤال فيها روح للمعيدين واسال
5_متغبش كتير:-متغبش كتير خصوصا من السكاشن عشان اعمال السنة
6_لو
مثلا فى مادة معينة الدكتور مش بتفهم منة وكمان المعيد ولو عايز تروح
لدكتر تانى فى مجموعة تانية بيشرح كويس وعندك فى الوقت دة محاضرة او سكشن
تانى الحل انك تحاول تتفق مع معيد تانى انك تحضرلة و تتكتب حضور عادى
7_حب الكلية ومتحولش تتكلم كتير ذى الناس ال متعقدة عشان متبقاش ذيها ولو حبتها خلاص اتحلت المشكلة
8-
فية مواد محتاجة تخيل ذى الاسقاط او الرسم لو مش فاهمها هات مذكرة واقعد
مع نفسك فى البيت وركز هتفهمها لواحدك وهتلاقى افكار كتير وهتبقى فيها
كويس
9_الحاسب والانتاج لو مفهمتش فى المحاضرة ودة اساسى متعقدش نفسك
اعرف اية ال عليك واقراة فى لبيت لوحد هتفهمة والحاسب ركز فى السكشن عشان
هتخدوا مقدمة فى البرمجة ومتغبش منة خالص هو وكمان الرسم والاسقاط عشان دى
مواد ممكن تكون صعبة حبة واحدة مش حبتين
10_لو جبت درجة وحشة فى مادة معينة فى الميد ترم لا تياس عادى الترم يعوض
11-الفيزيا
فى الامتحان كلها مسائل مفهاش نظرى خالص افهم النظرى ومتحولش تحفظة الا
عند امتحان الشفوى بس وخلى بالك فى امتحانات الفيزيا الافكار كتير هى
والرياضة والكيميا فحاول تحل على قدر استطاعتك من المسائل وحل الصعب كتير
ومتقولش دى متجيش ودى تيجى لان كلة بييجى الصعب والصعب اوى والسهل والسهل
اوى