منتدى طلبة هندسة المنيا
بسم الله الرحمن الرحيم
عزيزى الطالب عزيزتى الطالبة يرجى التكرم بتسجيل الدخول اذا كنت عضو معنا
او التسجيل ان لم تكن عضو وترغب فى الانضمام الى اسرة المنتدى
سنتشرف بتسجيلك
شكرا دورة فى ال GSM كاملة ان شاء الله 3 Icon_cheers
دورة فى ال GSM كاملة ان شاء الله 3 Icon_king ادارة المنتدى
منتدى طلبة هندسة المنيا
بسم الله الرحمن الرحيم
عزيزى الطالب عزيزتى الطالبة يرجى التكرم بتسجيل الدخول اذا كنت عضو معنا
او التسجيل ان لم تكن عضو وترغب فى الانضمام الى اسرة المنتدى
سنتشرف بتسجيلك
شكرا دورة فى ال GSM كاملة ان شاء الله 3 Icon_cheers
دورة فى ال GSM كاملة ان شاء الله 3 Icon_king ادارة المنتدى
منتدى طلبة هندسة المنيا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى طلبة هندسة المنيا


 
الرئيسيةمجلة جديدةأحدث الصورالتسجيلدخول

 

 دورة فى ال GSM كاملة ان شاء الله 3

اذهب الى الأسفل 
كاتب الموضوعرسالة
ahmed mawad

ahmed mawad


الجنس : ذكر
عدد المساهمات : 931
العمر : 34
نقاط : 2482
السٌّمعَة : 29
تاريخ التسجيل : 06/10/2009
الموقع : فى المنيا بدرس
تاريخ الميلاد : 31/07/1989

دورة فى ال GSM كاملة ان شاء الله 3 Empty
مُساهمةموضوع: دورة فى ال GSM كاملة ان شاء الله 3   دورة فى ال GSM كاملة ان شاء الله 3 Emptyالثلاثاء فبراير 23, 2010 2:30 pm

ان شاء الله يا جماعة فى بنية نظام
طبعا يا جماعة
احنا بنتعامل مع نظام لاسلكى علشان كدة لازم يكون فية محطات ارسال واستقبال فى جميع
المناطق الى عاوزين نعمل فيها تغطية المحطات دى بنسميها Base Transceiver Station او Base Station وهنكلم عنها ان شاء الله فى الشبتر الى
جاى
والمنطقة الى بتغطيها الBTS هنسميها cell تمام

طب فى ال cell دى هنخلى فيها الباند كله مثلا .طب لو خلينا فيها الباند كله لما
نحط cell تانية جمبها هيبقى فى مشكل ال interference بينهم
. طب الحل اية

دورة فى ال GSM كاملة ان شاء الله 3 Slide31d

طيب احنا ممكن نبعد ال الاتنين عن بعض شوبة علشان ميحصلش interference

دورة فى ال GSM كاملة ان شاء الله 3 Slide31e

بس المشكلة هنا ان هيبقى فى dead zone
بينهم مفيهاش تغطية
طب والحل .... الحل ان احنا نخلى بين الاتنين cell
الى بيسنتخدموا نفس التردد اتنين cell فيهم ترددات تانية غير المستخدمين فى الاتنين
cell الى هيحصل بينهم تداخل
يعنى وبمعنى اخر احنا هنحاول نخلى مفيش اتنين cell
بيستخدموا نفس التردد جمب بعض خالص بس ده هيحصل ازاى ...هنوزع الباند بتاعنا على
مجموعة من ال cells بطريقة متساوية ......طيب متيجوا نشوف ال cell دى اصلا بيبقى
شكلها اية

دورة فى ال GSM كاملة ان شاء الله 3 Slide33

هى طبعا هتبقى شكلها دائرى وطبعا هنضطر نعمل بينهم تداخل
علشان ميبقاش فى منطقة ميتة ولو قربنا الشكل ده هنلاقية بقى شكل سداسى
وهو ده
الشكل المتعارف عليه فى اشكال ال GSM cells

طيب يا ترى الاشعاع بيبقى شكله
عامل ازاى بيبقى دائرى ولا على الشكل السداسى ده ولا اية

دورة فى ال GSM كاملة ان شاء الله 3 Slide34

لا هو بيبقى شكله مش منتظم خالص وده طبعا علشان الطبيعة
الجغرافية وغيره علشان كدة بنلجأ لاساليب القياس فى اماكن مختلفة حول ال cell علشان
نقرر ال cell الى هتبقى جمبها موقعها هيبقى فين

طيب تعالو نرجع تانى لموضوع
توزيع الباند بتاعنا احنا قولنا ان احنا بنقسم الباند لعدد من ال carriers وبما ان الباند بتاعى ثابت مبيزدش يبقى عدد ال carriers ثابت برده معنى كده ام عدد ال channels فى ال system كله ثابته طيب هنعمل اية لو عاوزين نزود ال
capacity
بصوا يا جماعة احنا قولنا اننا هنقسم الباند
على ال cells بحيث مخليش اتنين cell بيستخدموا نفس التردد جمب بعض علشان ميحصلش
تداخل تمام ...
طيب ياترى هما هيبقوا كام cell ... احنا لو زودنا عدد ال cell
المقسمة عليها الباند كله يبقى كدة انا زودت المسافة بين الاتنين cell الى
بيستخدموا نفس التردد وبكدة التداخل الى بينهم هيقل صح .. بس فى نفس الوقت ال capacity هتقل اوى لاننا خلينا عدد ال ؤاشىىثمس بتاعتى كلها فى
منطقة كبيرة وعدد المستخدمين فيها كبير يبقى هضطر انى اقلل عدد ال cell المقسمة
عليها الباند ....طيب هو احسن عدد ليهم اية بعد دراسات لقينا ان احسن عدد يتوزع
عليه الباند كله يبقى 7 cells ...

دورة فى ال GSM كاملة ان شاء الله 3 Slide34a

والمجموعة دى من ال cells بنسميها cluster
......وال cluster ده بيبقى فيه كل الباند بتاعى بالكامل موزع بالتساوى على
ال7 cells
الموجودين فيه

دورة فى ال GSM كاملة ان شاء الله 3 Slide34b

ولو لا حظنا فى التكوين بتاع الشبكة هنلاقى ان احنا خلينا بين
كل cell واخرى بيستخدموا نفس التردد اتنين cell زى مهمو موضح فى الصورة الى
فوق
ال cells الى لونهم اصفر هما الاتنين cell الى فيهم نفس التردد

كل
اتنين cell بيستخدموا نفس التردد بنسميهم co-channels
cell


والمسافة الى بينهم بنسميها reuse
distance


دورة فى ال GSM كاملة ان شاء الله 3 Slide35

cell sectorization

احنا يا
جماعة عاوزين على قد مانقدر نقلل التداخل الناتج عن ال
co-channels

الجماعة الى عملوا نظام ال GSM لقوا انهم لو قسموا ال cell الى اجزاء التداخل هيبقى اقل طب
ازاى تعالوا نشوف ...

دورة فى ال GSM كاملة ان شاء الله 3 Slide35a

فى الصورة الى فوق دى احنا شايفين المستخدم M لو احنا مكناش
قسمنا كان هيتأثر بجميع ال cells (الى بتستخدم نفس التردد) الى حوليهيعنى هيتأثر ب
6 cells
لكن بعد التقسيم الى احنا عملناه لاحظوا كده.. هنلاقى ان المستخدم
M
بيتأثر باتنين cell بس (وده لو فى مستخدم زيه بيتكلم على نفس التردد فى ال
sector المواجه له) يبقى احنا كدة وفى اسوأ الظروف قللنا التداخل بقدار
التلتين..

طيب هو احنا بنقسم ال cell دى ازاى

دورة فى ال GSM كاملة ان شاء الله 3 Slide36

زى محنا شايفين فى الصورة الى فوق دى احنا ممكن نقسم ال cell
الى 6 اجزاء وده هيقلل التداخل بصورة كبيرة جدا بس احنا كدة هنضطر نركب انتنا فى كل
جزء من الاجزاء الا 6 وده طبعا هيبقى مكلف جدا .
علشان كدة احنا هنكتفى بتقسيم
ال cell الى ثلاث اجزاء , وكل جزء هيبقى فيه انتنا تشع فيه زى الصورة الى جاية
دى

دورة فى ال GSM كاملة ان شاء الله 3 Slide36a


دورة فى ال GSM كاملة ان شاء الله 3 Slide42

هنفرض يا جماعة ان احنا هنعمل تغطية فى منطقة جديدة ولسة مفيهاش
كثافة هنعمل اية .. هنا هنخلى ال cells كبيرة شوية ...ثوانى استنوا هو احنا لو
كبرنا ال cell عدد ال channels الى فيها هتزيد ولا تقل؟؟؟

ركزوا معايا يا
جماعة شوية احنا قولنا ان الباند بتاعى بوزعه فى ال cluster يعنى عدد ال channels
فى ال cluster الواحد ثابته تمام ..
طيب هو ال cluster فيه كام cell.. تمام فيه
7 cell بنوزع عليها ال channels معنى كدة ان كل cell فيها نفس عدد ال channels
الموجود فى اى cell تانية يعنى عدد ال channels ده ثابت مبيتغيرش ...
معنى كدة
انى لو كبرت ال cell او صغرتها مش هتفرق معايا زيادة فى اعداد ال channels
..
امال احنا بنكبر ال cell او نصغرها لية ...
لو فرضنا ان فى مساحة معينة زى
الى فى الصورة الى فوق دى
المساحة دة كانت مفيهاش ناس كتير يبقى ممكن اوفر واعمل
cell واحدة وهتكفيهمبس الفرق انى هزود ال power المنتجة
منها وبس
طيب ولو الكثافة ذزادت فى المنطقة دى ؟ عادى هنزود عدد ال
cells
وبكدة يبقى زودنا عدد ال channels بس هنقلل ال power شوية
طيب ولو
زادت الكثافة اوى اوى برده هنقلل ال power من كل ال cells
ونزود عددهم .. وده
بنسميه splitting cell

دورة فى ال GSM كاملة ان شاء الله 3 Slide40

يبقى انا بعمل cell splitting لما احتاج
ازود ال capacity فى منطقة معينة .....

دورة فى ال GSM كاملة ان شاء الله 3 Slide40a

وممكن توصل انى احول cell الى cluster وطبعا بنعيد ترتيب
الترددات مرة تانية

طيب تعالوا بقى يا جماعة نشوف انواع ال cells

دورة فى ال GSM كاملة ان شاء الله 3 Slide41

النوع الاول : macrocell

وتستخدم
فى المناطق ذات الكثافة القليلة ومداها اعلى من 20 كيلو متر

النوع الثانى :
microcell

وتستخدم فى المناطق ذات الكثافة الاكبر
واقصى مدى لها 3 كيلو متر

النوع الثالث : picocell

تستخدم فى المناطق ذات الكثافة العالية جدا وتوضع
داخل المبانى او المولات او فى الشوارع المزدحمة جدا ومداها حوالى 200 متر.

دورة فى ال GSM كاملة ان شاء الله 3 Slide41a

ويتم ربط جميع ال picocells باسلاك ثم تجميعهم الى انتنا اعلى
المبنى

النوع الرابع : highway cell

دورة فى ال GSM كاملة ان شاء الله 3 Slide41b

وتستخدم فى الطرق السريعة وبتبقى ب 2 انتنا بس كل انتنا فى
اتجاه من اتجاهات الطريق

دورة فى ال GSM كاملة ان شاء الله 3 Slide43


طيب احنا قولنا ان ال cluster بيبقى فيه كل الترددات الى فى
النظام بالكامل والترددات دى بتتوزع على ال cells الموجودة فى ال cluster ده ....
طيب تعالوا نشوف الترددات دى بتتوزع ازاى على ال cells

دورة فى ال GSM كاملة ان شاء الله 3 Slide45

هنفرض ان عندنا cluster فيه 3 cells والباند كله عبارة عن 9
ترددات بس تعالوا نشوف المقترحات لتوزيع الترددات دى على ال cells واية المستخدم
فعلا فيهم ....

اول اقتراح : Fixed Channel Assignment
Teq


وهو ان نقوم بتوزيع الترددات بالتساوى على ال cells
اى ان
تكون لكل cell الترددات الخاصة بها
ولكن المشكلة هنا اذا حدث ضغط على cell من
ال cells الثلاثة . هيبقى عندى ترددات غير مستخدمة مع انى محتاج ليها

تانى
اقتراح : Dynamic Channel Assignment Teq

وهو جعل
الترددات جميعها متاحة لاى cell تحتاجها وهو حل رائع
ولكنه سيسبب طول فى مدة
اجراء المكالمة لان النظام سوف يقوم بالبحث عن الترددات الشاغرة لاعطاءها
للمتصل

ثالث اقترح : Hybrid Channel Assignment
Teq


وهنا اخذنا مزايا الاقتراحين معا فسوف نوزع بعض الترددات على ال
cells وجعلها ثابتة وسوف نترك بعض الترددات متاحة للجميع


طيب تعالوا
بقى نشوف المشاكل الى بتقابل الاشارة بتاعتنا وهى مبعوتة من ال BTS
ال MS Mobile Station

بس تعالوا الاول نتكلم عن ال Adaptive Power Control

دورة فى ال GSM كاملة ان شاء الله 3 Slide39

زى محنا شايفين فى الصورة فى حالة ال MS
الموجود قريب من ال BTS
هل هتكون ال power المرسلة من ال BTS هى نفسها المرسلة
الى ال MS البعيد عنها ...
تقوم ال BTS
بحساب المافة بينها وبين ال MS وعلى هذا الاساس تقوم
بتحديد قيمة ال power المرسلة لل MS

طيب وده هيفيدنا فى اية ...
اولا بالنسبة للنظام
احنا كدة
وبالنسبة لل MS القريب ده قللنا ال power المرسلة وبكدة مسافة الاشارة هتبقى اقصر وبكدة قللنا
التداخل مع ال cell الاخرى التى تستخدم نفس التردد
ثانيا بالنسبة لل MS
طبعا ال power المرسلة من ال BTS
تساوى ال power المرسلة من ال MS
اثناء المكالمة وطالاما هنقلل ال power المرسلة من الBTS يبقى ال MS هيقلل ال power المرسلة منه برده يبقى احنا كدة حافظنا على
التأثير الضار للpower العالية على المستخدم وفى نفس الوقت حافظنا على بطارية
الموبايل......الكلام ده كله يحدث اثناء المكالمة فقط...

نرجع بقى لموضوعنا
وهو المشاكل التى تتعرض لها الاشارة المرسلة من الBTS الى
ال MS[/font][/size]>
الرجوع الى أعلى الصفحة اذهب الى الأسفل
https://miniaeng.yoo7.com
 
دورة فى ال GSM كاملة ان شاء الله 3
الرجوع الى أعلى الصفحة 
صفحة 1 من اصل 1
 مواضيع مماثلة
-
» دورة فى ال GSM كاملة ان شاء الله 6
» دورة فى ال GSM كاملة ان شاء الله 1
» دورة فى ال GSM كاملة ان شاء الله 2
» دورة فى ال GSM كاملة ان شاء الله 4
» دورة فى ال GSM كاملة ان شاء الله 5

صلاحيات هذا المنتدى:لاتستطيع الرد على المواضيع في هذا المنتدى
منتدى طلبة هندسة المنيا :: ¤©§][§©¤][دروس وكورسات هندسية][¤©§][§©-
انتقل الى: